Հալէպի հիւսիսին կը շարունակուին մարտերը Թիւրքամետ ուժերուն եւ Սուրիոյ կանոնաւոր բանակին միջեւ: Վերջին օրերուն Իդլիբի շրջանին սկսած բախումներն իրենց արձագանքը գտան Հալէպի հիւսիսին: Ըստ Հալաբ Թուդէյ գործակալութեան, կառավարական ուժերը հուժկու հրետանային հարուածներով ոչնչացուցեր են Սուրիական ազատ բանակի դիրքերը՝ մազապուրծ եղած գրոհայիններուն ստիպելով նահանջելու առաջնագիծէն:

Միաժամանակ կը հաղորդուի, որ Դէյր-Զօրի շրջանին սկսեր են վերականգնողական աշխատանքները, կառավարութիւնը հատկացուցեր է 12 մլն ԱՄՆ դոլար, քաղաքի ելեկտրականութեան, խմելու ջուրի եւ կոյուղիի վերականգնման համար: Նահանգապետարանի աշխոյժ աշխատանքին շնորհիւ կը վերականգնուին նաեւ բուժհաստատութիւններն ու պետական հիմնարկները ,որոնք աւերակուեր էին 6 ամեայ ռազմական գործողութիւններուն ընթացքին:

Input your search keywords and press Enter.