Իսլամացուած հայերուն մասին ֆիլմի շնորհանդէսը կը կայանայ Դիարբեքիրի մէջ

Յունիսի 16-ին տեղի պիտի ունենայ Արեւմտեան Հայաստանի Տիգրանակերտի Էղիլ/Անգեղտուն շրջանի իսլամացուած հայերուն մասին պատմող, լրագրող Ալթան Սանջարի ռեժիսորութեամբ նկարահանուած «Թաքնուած խաչ» վաւերագրական ֆիլմին շնորհանդէսը։ Այն տեղի պիտի ունենայ Տիգրանակերտի քաղաքապետարանի մշակոյթի եւ համաժողովներու կեդրոնէն ներս:

Ֆիլմին մասին եղած նկարագրութեան մէջ կ՛ըսուի. «Էղիլ/Անգեղտունը մինչեւ 1915 թուականը հայերով բնակեցուած եւ հայկական մեծամասնութիւն ունեցող շրջաններէն մէկն էր Տիգրանակերտի: 1915-ին եի անկէ ետք տեղի ունեցած կոտորածներէն ու բռնագաղթէն յետոյ հայկական մշակոյթն ամբողջութեամբ ջնջուեր է այնտեղ, ողջ մնացած հայ երեխաներն ու մնացած ողջ հայ բնակչութիւնը մահմետականացուեր է:

Հասարակութեան կողմէ «մուսուլմանացուած հայեր» անուանուող բնակչութեան առաջին եւ երկրորդ սերունդները կը շարունակեն ապրիլ իրենց ինքնութենէն հեռացած:

Երկու մասէ բաղկացած ֆիլմի առաջին մասն աւելի շատ կեդրոնացեր է 1915 թուականին հոն տեղի ունեցած կոտորածներուն վրայ, իսկ 2-րդ մասը կը պատմէ ինքնութեան ճգնաժամի, խեղուածքներու եւ փնտռտուքներու մասին:

Input your search keywords and press Enter.