Արցախի Հանրապետութեան ԿԳՍ նախարարն ընդուներ է Բէյրութի Հայկազեան համալսարանի ուսանողները

Արցախի Հանրապետութեան կրթութեան, գիտութեան եւ սպորտի նախարար Նարինէ Աղաբալեանն ընդուներ է Բէյրութի Հայկազեան համալսարանի «Heritage Club»-ի (Ժառանգութեան Ակումբ) ուսանողներու պատուիրակութիւնը:

Հանդիպման  ընթացքին Ն. Աղաբալեանն   ուսանողներուն ներկայացուցեր է  Արցախի կրթական համակարգի գործունէութիւնը, խօսեր է  Հայկազեան եւ Արցախի պետական համալսարաններու, ինչպէս նաեւր Արցախեան գիւղերու դպրոցներուն հետ  համագործակցութեան մասին, ներկայացուցեր է շարք մը առաջարկութիւններ:

«Արցախպրես»-ի  թղթակիցին  հետ իր զրոյցին  նախարարն ըսեր է, որ  ամիսներ առաջ ԱրՊՀ-ի մէջ կայացեր է Հայկազեան համալսարանի հայագիտական հանդէսի շնորհանդէսը, որուն   ժամանակ ստորագրուեր է յուշագիր՝ երկու համալսարաններուն միջեւ կապերն ալ աւելի սերտացնելու նպատակով: Հայկազեան համալսարանի «Heritage Club»-ի ուսանողներուն այցը ճիշդ այդ յուշագրի  շրջանակներէն ներս իրականցեր է:

Բէյրութի Հայկազյան համալսարանի ուսանողական գրասենեակի տնօրէն Ռազմիկ  Գաբրիէլեանի խօսքով՝ իրենց այցի նպատակն է օժանդակել Արցախին:

Input your search keywords and press Enter.