Հայաստանն ու Մեքսիկան կգործակցին կրթութեան, գիտութեան, մշակոյթի եւ սպորտի ոլորտներէն ներս

ՀՀ կրթութեան, գիտութեան, մշակոյթի եւ սպորտի նախարար Արայիկ Յարութիւնեանն ընդուներ է Հայաստանի մէջ Մեքսիկայի արտակարգ եւ լիազօր դեսպան Նորմա Պենսադոյին։

Ինչպէս յայտնեցին ՀՀ ԿԳՄՍ նախարարութենէն, հանդիպման օրակարգին երկու երկիրներուն միջեւ տարբեր ոլորտներու համագործակցութեան հեռանկարներն էին։

Մեքսիկայի արտակարգ եւ լիազօր դեսպան Նորմա Պենսադոն մասնաւորապէս նշեր է. «Մեր երկիրները հազարամեայ պատմութիւն ունին, մենք շատ ընդհանրութիւններ ունինք, եւ մեր նպատակներէն մէկը կրթութեան եւ մշակոյթի ոլորտէն ներս ունեցած կապերու ամրապնդումն ու զարգացումն է»։

Հանդիպման ընթացքին ՀՀ ԿԳՄՍ նախարար Արայիկ Յարութիւնեանն ու Մեքսիկայի արտակարգ եւ լիազօր դեսպան Նորմա Պենսադոն նաեւ քննարկեր են տեղեկատուական տեքնոլոգիաներու, սպորտի  եւ գիտակրթական ոլորտներու գործող եւ նախատեսուող ծրագիրները։

 

Input your search keywords and press Enter.