Պաշտօնական Յայտարարութիւն”Բարիշէք” Ձեր անունով, Ոչ թէ “ՀԱՄԱՀԱՅԿԱԿԱՆՈՒԹԻՒՆԸ” չարաշահելով

   Թշնամի Թիւրքիոյ իշխանութիւններուն հետ որեւէ յարաբերութիւն բնականացնելու առարք՝ հայկական որեւէ մարմինի մը կողմէ սաստիկ մերժուած է, Արեւմտեան Հայաստանի պետութեան եւ ժողովուրդին կողմէ:

Նման առարքները կը հաստատեն եւ կը վաւերացնեն Թիւրքիոյ գերիշխանութիւնը հայկական գրաւեալ հողերուն վրայ: Այն՝ ինչը հայկական ոչ մէկ կողմ իրաւունք կամ իրաւասութիւն չունի ընելու:

Եթէ հայութեան մէջ կան նման կողմեր, ըլլան անհատական կամ պետական, որոնք հաշտ են եւ կ՛ընդունին 1,5 միլիոն հայ զոհերուն եւ Արեւմտեան Հայաստանի միլիոնաւոր ժողուրդին պատկանող հայկական գրաւեալ հողերուն վրայ հաստատել եւ վաւերացնել թրքական բռնագրաւող իշխանութիւնը, ապա անոնք թող գործեն եւ յայտարարեն ուղիղ եւ յստակ կերպով ու վերցնեն այդ դիրքորոշման ազգային եւ պատմական պատասխանատւութիւններն ու հետեւանքները իրենք իրենց դիմակներով, առանց չարաշահելու “Համահայկական”, “Համազգային”  եւ այլ անուններ:

Բռնագրաւող Թիւրքիոյ հետ առկայ մեր ազգային հիմնախնդիրներու ցուցակին երբէք չկայ, եւ պիտի չըլլայ, թէ քանի վարկեանէն կարելի է հասնիլ Երեւանէն մինչեւ գրաւեալ Վան: Արեւմտեան Հայաստանի Հայութեան համար միակ մտահոգութիւնը այն է, թէ երբ պիտի ազատագրէ Վանը, ու այնտեղ հաստատէ Հայկական իշխանութիւն:

Սա բացայայտ ազգային դաւադրութիւն մըն է՝ կատարուած խումբ մը արկածախնդիրներու կողմէ, որոնք ոչ մէկ ձեւով չեն ներկայացներ Արեւմտեան Հայաստանի Հայութիւնը:

Ովքեր գրաւեալ Արեւմտեան Հայաստանի բնիկ Հայութիւնը “ՍՓԻՒՌՔ”  կ՛անուանեն՝ անոնք պարզապէս կ՛իրականացնեն թշնամիի քաղաքականութիւնը, եւ յստակ է որ մարմնամարզականէն շատ աւելի հեռու են իրենց սպասարկած ծրագիրները:

Ովքեր իրենց սեփական շահերը մեր ազգային գերագոյն շահերէն աւելի բարձր կը նկատեն՝ անոնք ազատ են որեւէ ձեւով արտայայտելու ազգային արժանապատւութենէն զուրկ ըլլալնին, բայց երբէք ազատ չեն իրենց դաւադրական առարքները քօղարկելու Համահայկական բառը չարաշահելով:

Արեւմտեան Հայաստանի ժողովուրդի իրաւունքներուն նկատմամբ թշնամական այս առարքով՝ անոնց մասնակից բոլոր կողմերը հատեցին մեր համբերատարութեան բոլոր կարմիր գիծերը:

ԳԱՌՆԻԿ ՍԱՐԳԻՍԵԱՆ

Արեւմտեան Հայաստանի Հանրապետութեան Վարչապետ

19 Յունիս 2019

Input your search keywords and press Enter.