Եւրոպայի Առաջնութեան եզրափակիչին՝ Արմէն Նազարեանի որդին 10։0 Հաշուով յաղթեց թիւրք մրցակիցին

Իտալիոյ մէջ կայացած յունահռոմէական ըմբշամարտի Եւրոպայի պատանեկան առաջնութեան՝ երկրորդ տարին անընդմէջ Բուլղարիոյ համար ոսկէ մեդալ նուաճեց Էդմոնդ Նազարեանը, Հայաստանի առաջին օլիմպիական ախոյեան Արմէն Նազարեանի որդին։

51 կգ քաշային կարգի եզրափակիչին Էդմոնդ Նազարեանը 10:0 հաշուով յաղթեց թիւրք Բարիս Էրբեքին։ Քառորդ եզրափակիչին ալ ան պայքարէն դուրս մղած էր Ատրպէյջանի ներկայացուցիչ Նիհադ Գուլուզադէին։ Կիսաեզրափակիչին Նազարեանը յաղթեր էր Հայաստանի ներկայացուցիչ Արմէն Յարութիւնեանին, որն ալ բրոնզէ մեդալին համար գօտեմարտեցաւ Գուլուզադէին հետ եւ յաղթեց 6։3 հաշուով:

Արեւմտեան Հայաստանը կը շնորհաւորէ հայազգի մարզիկին, եւ կը յայտնէ, որ Արեւմտեան Հայաստանը հպարտ է նոր սերունդի յաղթանակներով։

Input your search keywords and press Enter.