Նախագահական հանդիպում. Արմենակ Աբրահամեան ու Նիկոս Լիգերոս

Արեւմտեան Հայաստանի Հանրապետութեան Նախագահ Արմենակ Աբրահամեանն ու Արեւմտեան Հայաստանի Սահմանադրական խորհուրդի նախագահ Նիկոս Լիգերոսը Լիոնի մէջ (Ֆրանսա) հանդիպելու նախաձեռնութեամբ հանդէս եկած են։  

Հանդիպումը տեւեր է աւելի քան երեք ժամ։ 

Հանդիպման ընթացքին քննարկուեր են շարք մը հարցեր՝

  1. Արեւմտեան Հայաստանի Հանրապետութեան Ազգային Սահմանադրութեան կիրառումը,
  2. Շեշտադրուեր են հայ ժողովուրդի դէմ կատարուած ցեղասպանութեան զոհերու յիշատակին նուիրուած Ապրիլ 24-եան արարողութիւնները՝ Միջին Արեւելքի, Ֆրանսայի եւ ամբողջ աշխարհի մէջ:
  3.  Արեւմտեան Հայաստանի Ազգային խորհուրդի աշխատանքներու բնականոն ընթացքը խաթարող եւ ընկերային ցանցերէն ներս բուռն քննարկումներ ծաւալող Արեւմտեան Հայաստանին ընդդիմացողներուն հարցը:
  4. Արեւմտեան Հայաստանի մասնակցութիւնը Ժնեւի եւ Նիւ Եորքի մէջ տեղի ունեցող ՄԱԿ-ի նիստերուն, մասնաւորապէս բնիկ ժողովուրդներու իրաւունքներու պաշտպանութեան ոլորտէն ներս՝ բնիկ ժողովուրդներու համար Արդարադատութեան միջազգային դատարանի ստեղծման հարցը, եւ Աթենքի մէջ Արեւմտեան Հայաստանի հիւպատոսութեան գործունէութիւնը։
  5.  Թիւրքիոյ նախագահի վերջին յայտարարութիւնը` կապուած հայ ժողովուրդի տեղահանութեան, ինչպէս նաեւ Պոնտոսի յոյներուն հարցը։

Արմենակ Աբրահամեանն ու Նիկոս Լիգերոսը անդրադարձեր են նաեւ Արցախի մէջ տիրող իրավիճակն՝ CONIFA-ի Եւրոպայի առաջնութենէն յետոյ, ուր Արեւմտեան Հայաստանի ընտրանին եւ անոր պաշտօնական եւ օրինական կառոյցները ջերմ եւ անմոռանալի վերաբերմունքի արժանացան Արցախի հայ ժողովուրդին կողմէ։ 

Հանդիպումը աւարտուեցաւ աշխատանքային հանդիպումներու ժամանակացոյցի մշակմամբ, ներառեալ, Սեւրի պայմանագիրի 100-ամեակի կազմակերպումը, որ տեղի պիտի ունենայ 2020 թ․-ին։

Նիկոս Լիգերոսը նախագահ Արմենակ Աբրահամեանին յանձներ է իր հեղինակած  «Լումինիոզը եւ վիշապը» գիրքը, որ ոչ միայն երեխաներու եւ երիտասարդներու համար է, այլեւ աւագ սերունդի, որտեղ նաեւ կը խօսուի «Հայ Ճամբայ»-ի ստեղծման հիմքերուն մասին։

Input your search keywords and press Enter.