Յունիսի 26-ին Բուէնոս Այրեսի մէջ տեղի ունեցաւ Գաղթի ազգային տնօրինութեան եւ Արժանտինի մէջ ՀՀ դեսպանութեան համատեղ միջոցառումը, որ նուիրուած էր հայ մեծանուն երաժիշտ Կոմիտասի 150-ամեակին եւ Արժանտինի մէջ հայկական համայնքի գործունէութեան: Միջոցառման կը մասնակցէին Արժանտինի ազգային փոքրամասնութիւններու դաշնութեան ներկայացուցիչները:

Միջոցառման ընթացքին ներկայացուեցաւ Արժանտինի հողին հայկական ներկայութեան եւ Կոմիտաս վարդապետի մասին պատմող լուսանկարներու ցուցահանդէս, իսկ հայ երգչուհի Ալլա Աւետիսեանին կողմէ կատարուեցաւ Կոմիտասի «Կռունկ» ստեղծագործութիւնը, որն արժանացաւ հանդիսատեսի բարձր գնահատանքին:

Միջոցառման աւարտին Արժանտինի ազգային փոքրամասնութիւններու դաշնութեան ներկայացուցիչներն ի հաւաստումն Հայերու դէմ կատարուած ցեղասպանութեան ճանաչման եւ դատապարտման գործին հանդէպ իրենց հաստատակամութեան, աշխարհի տարբեր լեզուներով բեմէն հնչեցուցին «Այլեւս երբէ´ք» կոչը:

Input your search keywords and press Enter.