Մոլորակային տաքացման հետեւանքով միլիոնաւոր մարդիկ անգործ կը մնան

ԿԱՐԻՆ- Աշխատանքի միջազգային կազմակերպութեան զեկոյցին համաձայն, մոլորակային տաքացման պատճառով 43-էն 90 միլիոն մարդ կը կորսնցնէ իր աշխատանքը: Կանայք կը դառնան գործազրկութեան առաւել տուժածները, եւ մարդիկ կը տեղափոխուին իրենց բնակավայրերէն։

Ամենաշատ կը տուժեն գիւղատնտեսութիւնն ու շինարարութիւնը։

Մարդու մարմինը առանց որեւէ առողջական վատթարացման՝ կրնայ հանդուրժել մինչւ 35 աստիճան ջերմութեան։

Ծայրայեղ ջերմաստիճանը առողջութեան համար վտանգաւոր է. այն կը սահմանափակէ աշխատողներու ֆիզիկական գործառոյթներն ու աշխատունակութիւնը, որով նաեւ արտադրողականութիւնը: Ծայրայեղ պարագաներուն՝ այն կրնայ հանգեցնել ջերմութեան հարուածի, որն ալ կրնայ մահացու ըլլալ:

Աշխարհիս երեսին 940 միլիոն մարդ կ՛աշխատի գիւղատնտեսութեան ոլորտի մէջ: 2030 թ.-ին ջերմային ցնցման հետեւանքով կը սպասուի աշխատաժամանակի 60% -ի կորուստ: Կ՛ենթադրուի, որ նոյն ժամանակահատուածին շինարարական հատուածի  կորուստը կ՛ըլլայ մօտ 19 տոկոս:

Մօտ 90 միլիոն մարդ կը մնայ անգործ։

Այս վիճակը ամենաշատը կազդէ Հարաւային Ասիոյ եւ Արեւմտեան Ափրիկէի երկիրներուն։

Այս իրավիճակը կը բարձրացնէ ցած եւ բարձր եկամուտ ունեցող երկիրներուն միջեւ անհաւասարութիւնը:

Կոչ կ՛ընենք կառավարութիւններուն, աշխատողներուն եւ գործատուներուն՝ որ աւելի շատ ուշադրութիւն դարձնեն կարիքաւոր մարդկանց։

Input your search keywords and press Enter.