Կիլիկեան Հայաստանի պալատական բացառիկ ձեռագիր մը յայտնաբերուեր է

Ֆրանսայի մէջ յայտնաբերուեր է 14-րդ դարու Կիլիկեան Հայաստանի պալատական բացառիկ ձեռագիր մը: Ձեռագիրն ուսումնասիրած Մոնպէլիէի համալսարանի միջնադարեան պատմութեան եւ արուեստաբանութեան դոկտոր Էմմա Չուգասզեանը պատմեր է այս բացառիկ նմուշի յայտնաբերման պատմութիւնը.

«Նախորդ տարի, ֆրանսացի հաւաքածուներու տէր Գիյոմ Արալը Փարիզի Դրուոյի աճուրդի տան մէջ վաճառեր էր հայ արուեստի իր մեծ հաւաքածոն»:

Ֆրանսացի հաւաքածոյի տէրը դիմեր էր Էմմա Չուգասզեանին, որպէսզի վերջինս ուսումնասիրէ ձեռագիրը.

«Առաջին հայացքէն ալ պարզ դարձաւ, որ սա կը ներկայացնէ Կիլիկեան պալատական ձեռագիրի մը էջերը: Այս էջերը հաւանաբար ստեղծուեր են 14-րդ դարու 20-30 ական թուականներուն եւ կը պատկանին ետ-Ռոսլինեան ժամանակաշրջանի Կիլիկեան արուեստի դպրոցին: Անոնք կը կապուին Կիլիկեան պալատական երկու կարեւոր ձեռագիրներու հետ, որոնք կը գտնուին Երեւանի Մատենադարանին մէջ՝ մէկը 1286թ.-ին նկարազարդուած Հեթում Բ-ի «Ճաշոցն» է, միւսը՝ 1320թ.-ին աւարտուած «8 մանրանկարիչներու աւետարանն» է»:

Էմմա Չուգասզեանը մեզի հետ իր զրոյցին նշեց, որ «8 մանրանկարիչներու աւետարան»-ին շնորհիւ կրցեր է բացայայտել, որ յայտնաբերուած ձեռագիրը կը պատկանի Սարգիս Պիծակի աշակերտի գրիչին։

Բացառիկ ձեռագիրը կը շարունակէ մնալ Ֆրանսայի մէջ, եւ ներառնուած է Գիյոմ Արալի անձնական հաւաքածուի շարքին:

Input your search keywords and press Enter.