Մարտունիի մէջ կը նախատեսուի գիւղմթերքի շուկայ բանալ

Արցախի Հանրապետութեան Մարտունի քաղաքի Լեոնարդ Պետրոսեանի անունը կրող փողոցին վրայ, որ նախկին շուկայի տարածքն էր, կը նախատեսուի գիւղմթերքի նոր շուկայ բանալ:

Մարտունի քաղաքին մէջ տարիներ շարունակ գիւղմթերքի շուկայ չըլլալուն պատճառով՝ շրջանի գիւղերու բնակիչները, ինչպէս նաեւ շրջիկ մեքենաները գիւղմթերք վաճառելու  համար միշտ ստիպուեր են շրջիլ քաղաքի բակերուն մէջ կամ հիմնարկ-ձեռնարկութիւններու տարածքին:

Խօսելով շուկայի  տարածքի սեփականատէր  Ա. Սարգսեանին հետ, ան  ըսեր է, որ գիւղական բնակավայրերէն եւ այլ  տեղերէն գիւղմթերքի վաճառք իրականացնողները շուկայի բացումէն  ետք հնարաւորութիւն կ՛ունենան բնականոն պայմաններու տակ վաճառել իրենց բերք ու բարիքը:

Input your search keywords and press Enter.