Իրանը կը մեծցնէ ուրանի հարստացման ծաւալները

Կիրակի օրը Իրանն սկսեցաւ մեծցնել ուրանի հարստացման ծաւալները: Այսօր առաւօտեան արդէն, ըստ երկրի իշխանութիւններուն, իսլամական հանրապետութիւնը կ՛անցնի 2015 թուականին կնքուած միջուկային համաձայնագիրով սահմանուած 3.67 տոկոսի հարստացման առաւելագոյն շեմը:

Ինչպէս յայտարարեր էր Իրանի արտաքին գործոց փոխնախարարը՝ «Միջուկային համաձայնագիրով մեր ստանձնած պարտաւորութիւնները նուազեցնելուն ուղղուած մեր երկրորդ քայլին պատճառը մէկն է` որ Եւրոպան եւ համաձայնագիրը կնքած միւս պետութիւնները չկրցան որեւէ արժանի քայլի դիմել, որն ալ հնարաւորութիւն կուտար երաշխաւորելու Իրանի ստացած եկամուտները, մասնաւորաբար՝ նաւթի վաճառքէն ստացուող ֆինանսական մուտքերը»։

Բացի այդ, Ամերիկեան պատժամիջոցներուն պատճառով Իրանական բանկերը մեկուսացուեցան միջազգային ֆինանսական կառոյցներէն:

 

Input your search keywords and press Enter.