Անդրանիկ Օզանեանի Հայկական յատուկ հարուածային ստորաբաժանումը

Արեւմտեան Հայաստան — Հայկական յատուկ հարուածային ստորաբաժանումը կամ Հայկական դիվիզիան, կամ Արեւմտահայաստանի դիվիզիան՝ Անդրանիկ Օզանեանի հրամանատարութեան ներքոյ կազմուած եւ առհասարակ հայերէ բաղկացած անկանոն զորամաս էր:

Ստեղծուեր է 1917 թ.-ի Դեկտեմբեր 22-ին, Կովկասեան զօրքերու գլխաւոր հրամանատար Պրժեւալսկիի հրամանով եւ մտեր է ռուսական Կովկասեան խմբաւորման Հայկական կորպուսի կազմին մէջ: Անոր հրամանատար նշանակուեր է զօրավար Անդրանիկը:

Հայերէն բացի, ընդգրկուած էին նաեւ ռուս զինուորականներ եւ սպաներ (առհասարակ կազակներ), յոյներ, ասորիներ, եզդիներ:

Այն բաղկացած էր երեք բրիգադի մէջ ընդգրկուած վեց ջոկատներէ.

Առաջին բրիգադ` Էրզրումի եւ Երզնկայի ջոկատներ:

Երկրորդ բրիգադ` Խնուսի եւ Քարաքիլիսայի ջոկատներ:

Երրորդ բրիգադ` Վանի եւ Զէյթունիի ջոկատներ:

Զօրամիաւորումը մասնակցեր է Անդրկովկաս ներխուժած թիւրքերուն դէմ ռազմական գործողութիւններուն, մասնաւորապէս, 1918 թ.-ի Հայ-թրքական պատերազմին:

Բաթումի պայմանագիրէն յետոյ, զոր Անդրանիկը չճանչցաւ, իր  գլխաւորած զօրքով ան շարժեցաւ դէպի Զանգեզուր, ուր ամռան ու աշնան կռուեցաւ տեղի մահմեդական զօրքերուն  դէմ:

 1918 թ.-ի Նոյեմբերին Անդրանիկն իր զօրքով, փորձեց ներխուժել Ղարաբաղ, բայց կանգնեցուեցաւ բրիտանացիներուն կողմէ, ովքեր անոր տեղեկացուցին Առաջին համաշխարհային պատերազմի աւարտին մասին: Մեծ Բրիտանիայէն հիասթափուած՝ 1919 թ.-ի Մարտին Անդրանիկը հեռացաւ Զանգեզուրէն, իսկ 1919 թ.-ի Ապրիլին ժամանեց  Էջմիածին, իր ենթակայութեան տակ գտնուող զօրքը ցրեց եւ յանձնելով իր զէնքերը Հայոց կաթողիկոսին՝ հեռացաւ երկիրէն:

 

Input your search keywords and press Enter.