Կը կողոպտուին Արեւմտեան Հայաստանի Խարբերդի 600-ամեայ հայկական պատմական կառոյցները

Արեւմտեան Հայաստանի Խարբերդ (ներկայիս կը կոչեն Էլազըղ) նահանգի Բաղին շրջանին գտնուող հայկական պատմական շինութիւնները կ’ենթարկուին գանձագողերու աւերածութիւններուն: Ասոր մասին կը հաղորդեն տեղի լրատուամիջոցները:

Աղբիւրին համաձայն՝ մօտ 600-ամեայ պատմական բնակավայրը լիովին վերանալու վտանգին տակ է: Այդ շրջանին, ուր ենթադրաբար գտնուեր են 2 հայկական եւ 1 մահմեդական թաղամասեր, կան նաեւ եկեղեցի, ջրաղաց եւ գերեզմաններ:

Դարեր շարունակ բազմաթիւ բնական աղետներու դիմակայած սոկն պատմական կառոյցները վերջին շրջանին սկսեր են քանդուիլ գանձ որոնողներուն կողմէ, ովքեր չեն բաւարարուիր պատմութիւնը ոչնչացնելով, այլեւ 600-ամեայ հայկական գերեզմանները բանսլով՝ կը փորձեն գտնել ոսկիի նման արժէքաւոր մետաղներ:

Բացուած գերեզմանները չեն փակվխուիր եւ այդպէս ալ բաց կը մնան, եւ շրջակայ գիւղերուն բնակիչները կը խնդրեն այդ պատմական շինութիւնները հնարաւոր չափով արագ պահպանման տակ առնել:

Input your search keywords and press Enter.