ԱՐԵՒՄՏԵԱՆ ՀԱՅԱՍՏԱՆ – Ժընեւի մէջ ընթացող ՄԱԿ-ի Մարդու իրաւունքներու խորհուրդի 41-րդ նստաշրջանին ընթացքին Արեւմտեան Հայաստանի Ազգային ժողովի պատգամաւոր Լիդիա Մարկոսեանը Մարդու իրաւունքներու խորհուրդէն ներս փորձաշրջան անցնող երիտասարդներուն համար Արեւմտեան Հայաստանին վերաբերեալ դասընթաց անցկացուցեր է։

Այս առիթով բարձրացուեր է Արեւմտեան Հայաստանի հայերու ինքնավարութեան խնդիրը եւ ՄԱԿ-ի կողմէ հաստատուած բնիկ ժողովուրդներու իրաւունքներուն մասին հռչակագիրով ճանչցուած անոնց իրաւունքները:

Համապատասխանաբար քննարկուեր է Սեւրի պայմանագիրին առնչութեամբ Լոզանի պայմանագիրի վաւերակնութեան հարցը:

Յիշեցնենք, որ Սեւրի պայմանագիրը, որ դեռ ուժի մեջ է, ամբողջովին ուժի մեջ մտեր է 2016 թ.-ի Յունիս 26-ին՝ Արեւմտեան Հայաստանի կողմէ վաւերացուելէ ետք։

Լիդիա Մարկոսեանը բարձր գնահատեր է Մարդու իրաւունքներու խորհուրդին մօտ փորձաշրջան անցնող երիտասարդներու ցուցաբերած հետաքրքրութիւնը Արեւմտեան Հայաստանի եւ հայերու իրաւունքներուն նկատմամբ։ Նախագահ Արմենակ Աբրահամեանն իր շնորհակալութիւնը յայտներ է երիտասարդներուն, եւ նշել է, որ սա Արեւմտեան Հայաստանի համար կարեւոր առաքելութիւն է՝ ուղորդել բոլոր այն երիտասարդները, ովքեր կը ցանկանան պաշտպանել մարդու իրաւունքները եւ պահպանել միջազգային իրաւունքը՝ աշխարհի վրայ խաղաղութիւն հաստատելու նպատակով։ 

Input your search keywords and press Enter.