Այնթապի շրջանի Գարգամիշ նախապատմական քաղաքը կը գործէ որպէս “հնագիտական արգելոց”

Դարեր շարունակ տարածաշրջանի եւ մասնաւորապէս Միջագետքի մէջ իշխող խեթերու՝ ամենակարեւոր վարչական կեդրոնն համարուող նախապատմական  Գարգամիշը շաբաթ օրը այցելուներու առջեւ կը բացուի որպէս հնագիտական արգելոց:

Պեղումներու ղեկավար Դոկտոր Նիկոլօ Մարկետին ըսեր է, որ տարածաշրջան այցելող զբօսաշրջիկները կրնան տեսնել պալատի եւ տաճարի աւերակները, հռովմէական սիւներով փողոցը, արձանները եւ արծիւի գլուխով դիիցաբանական էակներու փորագրութեամբ պատերը:

 

Քաղաքը մեր թուարկութեննէն առաջ 13-րդ դարուն  ծառայեր է որպէս խեթական կայսրութեան ենթակայ նահանգի մը թագաւորութեան մայրաքաղաք։

Հնագիտական արգելոցին մէջ՝ պեղումներու տարածքին զուգահեռ, այցելուներուն համար կառուցուեր են քայլուղիներ, սրճարաններ եւ հանգստի վայրեր:

Input your search keywords and press Enter.