Ստեփանակերտի մէջ սկսեր են բնակելի նոր թաղամասի կառուցման աշխատանքները

 

Արցախի Նախագահ Բակօ Սահակեանը նախօրէին այցելեր էր Ստեփանակերտի մէջ կառուցուող նոր բնակելի թաղամաս, տեղւոյն վրայ ծանօթացեր էր կատարուող աշխատանքներուն:

Նախագահին հետ շինհրապարակ այցելեր էին նաեւ Արցախի Հանրապետութեան   պետական նախարար Գրիգորի Մարտիրոսեանը,  քաղաքաշինութեան նախարար Կարէն Շահրամանեանը, Ստեփանակերտի քաղաքապետ Սուրէն Գրիգորեանը, շինարարական  կազմակերպութեան որոշ ներկայացուցիչներ:

«Արցախպրես»-ի  թղթակիցին  հետ իր զրոյցին   Արցախի Հանրապետութեան  քաղաքաշինութեան նախարար  Կարէն Շահրամանեանն ըսեր է, որ  բնակելի նոր թաղամասի կառուցումը կ՛իրականցուի անհատ ներդնողներու միջոցներով.  շինաշխատանքները մեկնարկեր են ընթացիկ տարուայ Յուլիսէն:

Նախարարը   նշեր է, որ  բնակելի նոր թաղամասին մէջ կը  նախատեսուի ունենալ 13 մասնաշէնքով 200 բնակելի տուներ:

 «Հայաստան» համահայկական հիմնադրամի հովանաւորութեամբ Շառլ Ազնաւուրի  անուան մշակութային կեդրոնի ներքեւի հատուածին կը նախատեսուի կառուցել շուրջ  600 տեղանոց դպոցական նոր շէնք, որուն կից կ՛ըլլայ Ֆրանկոֆոնիայի կեդրոնը:

 

Input your search keywords and press Enter.