Հայաստանն այս տարի միջազգային երեք խոշոր զբոօսաշրջային ցուցահանդէսի կը ներկայացնէ մեր երկրի զբօսաշրջային հնարաւորութիւնները, շրջապտուտային փաթեթներն ու զարգացման ուղղութիւնները: Ինչպէս «Արմենպրես»-ի հետ իր զրոյցին նշեց ՀՀ էկոնոմիկայի նախարարութեան Զբօսաշրջութեան կոմիտէի զբօսաշրջութեան զարգացման փորձագէտ Անահիտ Ոսկանեանը, յառաջիկային կը նախատեսեն մասնակցութիւն ունենալ Փարիզի, Սինգապուրի, Լոնդոնի միջազգային զբօսաշրջային ցուցահանդէսներուն, որտեղ մեր պետութիւնը կը ներկայանայ առանձին տաղաւարներով: Անահիտ Ոսկանեանը նշեց, որ սովորաբար մասնակցութեան համար միջազգային զբօսաշրջային ցուցահանդէսներու ընտրութիւնը կը կատարուի զբօսաշրջային կազմակերպիչներուն հետ համատեղ աշխատանքով՝ առանձնացնելով առաւել հետաքրքիր շուկաները:

Վերջին տարուան արդիւնքները դիտարկելով՝ Անահիտ Ոսկանեանը նշեց, որ ամենէն շատ զբօսաշրջիկները Հայաստան կուգան Ռուսաստանէն, Իրանէն, ԱՄՆ-էն, Վրաստանէն, Եւրոպական երկիրներէն: Անահիտ Ոսկանեանի խօսքով, տարեցտարի Հայաստան եկող զբօսաշրջիկներու աշխարհագրութիւնը կ՛ընդլայնուի: Վերջին շրջանին զբօսաշրջային աշխուժութիւն կը նկատուի նաեւ Չինաստանէն, Սինգապուրէն:

 

Input your search keywords and press Enter.