National Geographic ամսագիրը Արարատ լեռան հերթական լուսանկարը հրապարակեր է։ Ամառուայ տապին Instagram–ի բաժանորդներուն ամսագիրը ցոյց տուեր է լեռան ձմեռային լուսանկարները` ձիւնի մէջ եւ մոխրագոյն երկինքի տակ։ Հեղինակները լուսանկարին կից գրեր են «Արարատը հանգած հրաբուխ է։ XI-րդ դարէն քրիստոնէական աշխարհն այն կարծիքին հանգեր է, որ Նոյեան տապանը ճիշդ այստեղ հանգրուաներ է»։ Վերջը` հեշթեգերով, ամսագիրի խմբագիրները կարեւոր «յիշեցում» մը ըրեր են` առաջին թեգին գրելով #armenia։ Զայրացած թիւրք օգտատերերու մեկնաբանութիւնները սպասեցնել չտուին, զիրենք զայրացուցեր էր այն, որ լեռը նշուեր էր Արարատ, այլ ոչ թէ անոր թրքական անուանմամբ` Աղրը։

Input your search keywords and press Enter.