Արմենակ Աբրահամեանը ՄԱԿ-ի Բնիկ ժողովուրդներու իրաւունքներուն հարցերով փորձագիտական մեքանիզմի 12-րդ նստաշրջանին

Կետ 8 – Միացեալ Ազգերու Կազմակերպութեան բնիկ ժողովուրդներու իրաւունքներուն մասին հռչակագիրը՝ ներառեալ ճանաչման, փոխհատուցման եւ հաշտեցման մասին ուսումնասիրութիւնը

Շնորհակալութիւն, Տիկին Նախագահ,

Ինչո՞ւ մենք այսօր միասին ենք եւ ինչո՞ւ գոյութիւն ունի  ՄԱԿ-ի կողմէ ընդունուած բնիկ ժողովուրդներու իրաւունքներուն մասին հռչակագիրը։

 

Ըստ Արեւմտեան Հայաստանի հայերուն, զորոնք պատիւ ունիմ ներկայացնելու, Տիկին Նախագահ, մենք այսօր այստեղ միասին ենք՝ աշխարհի ժողովուրդներու եւ ազգերու միջազգային իրաւունքը յարգելու հիման վրայ նոր կարեւոր ծրագիր առաջարկելու նպատակով։

Մենք այստեղ միասին նոր կարեւոր շրջափուլի մը մէջ կը գտնուինք, քանի որ կը հասկնանք, եթէ աշխարհը շարունակէ գործել առանց պատշաճ յարգանքի դէպի երկիր մոլորակը, այդ կը հանգեցնէ բնիկ ժողովուրդներու եւ ազգերու ոչնչացման։ 

Եթէ միջազգային իշխանութիւնները կամ պետութիւնները չեն յարգեր միջազգային իրաւունքը, ապա մենք կը վերադառնանք բարբարոսութեան դարաշրջան, որուն ականատեսը եղանք վերջերս Սուրիոյ մէջ։ Մենք այստեղ ենք այդպիսի աղետը կանխելու համար: Բնիկ ժողովուրդները կը հանդիսանան այն կապը, որ շատ կարեւոր է իշխանութիւններ-մայր բնութիւն փոխադարձ գործունէութեան համար։  

Հռչակագիրի 11-րդ եւ 28-րդ յօդուածներուն համաձայն՝ բնիկ ժողովուրդները իրաւունք ունին ճանչցուելու եւ փոխհատուց ստանալու այն բոլոր յանցագործութիւններուն համար, որոնցէ անոնք տուժուեր են։

Ինչպէս գիտէք, 1894-1923 թուականներուն Արեւմտեան Հայաստանի հայ բնակչութեան դէմ ցեղասպանութիւն իրականացուեր է․ շուրջ երեք տասնամեակ հայերը ենթարկուեր են կազմակերպուած ոչնչացման ծրագիրի:

Աշխարհն  արթնցեր է, աշխարհը վիրաւորուեր է եւ նոյնիսկ ճանչցեր է Արեւմտեան Հայաստանի տարածքին հայկական պետութեան գոյութիւնը, որն ալ Դաշնակիցներու Գերագոյն խորհուրդին կողմէ ճանչցուած առաջին պետութիւնն է այդ տարածքին՝ իր բնօրրանին մէջ։

Որպէս այդ երկրի Նախագահ՝  կը յայտարարեմ, որ Արեւմտեան Հայաստանը կը պաշտպանէ բոլոր բնիկ ժողովուրդներու իրաւունքները, ինչը արտացոլած է մեր Սահմանադրութեան մէջ առանձին գլուխով։  

Հիմնական ուժերը, ներառեալ Ռուսաստանը, ստորագրեր եւ վաւերացուցեր են Արեւմտեան Հայաստանին վերաբերող հրամանագիրներ եւ պայմանագիրներ, Միացեալ Նահանգներու նախագահ Վուդրօ Ուիլսոնը նոյնիսկ հաստատեր է այդ պետութեան սահմանները Թիւրքիոյ հետ՝ իր իրաւարար վճիռով:

Արեմտեան Հայաստանի բռնագրաւումը եւ մեր հազարամեայ քաղաքակրթութեան ոչնչացումը կը շարունակուի մինչեւ օրս Թիւրքիոյ կողմէ:

Բացի ասկէ, փոխհատուցման ծաւալը, որն յատուկ զեկոյցով չորս տարի առաջ ներկայացուեր է ՄԱԿ-ին, մինչեւ այս պահը չէ ստացած որեւէ պատասխան, իսկ անոր ծաւալները կը շարունակեն աւելնալ։ 

Եթէ մեր մոլորակը փրկելու ձգտումներն իրական են, ապա ամեն բան ապարդիւն է՝ եթէ Արեւմտեան Հայատանի հայերուն հանդէպ չի կիրառուիր միջազգային իրաւունքը, ինչպէս նաեւ այն բոլոր ժողովուրդներու  հանդէպ, ովքեր յանցագործութիւններու զոհ դարձեր են։

Շնորհակալութիւն, Տիկին Նախագահ, 

 

 

Արմենակ Աբրահամեան

Արեւմտեան Հայաստանի Ազգային խորհուրդի նախագահ

 

Input your search keywords and press Enter.