ԱՐԵՒՄՏԵԱՆ ՀԱՅԱՍՏԱՆ – Յուլիսի 28-ին Արեւմտեան Հայաստանի խորհրդարանի քանի մը պատգամաւորներ Նախագահ Արմենակ Աբրահամեանի գլխաւորութեամբ բարձրացան Արագած լեռան գագաթը (4090 մ)։

Լանջը կտրուկ էր, սակայն քանի մը պատգամաւորներ կրցան յաղթահարել խոչընդոտները եւ հասնիլ գագաթին: Նախագահ Արմենակ Աբրահամեանի գլխաւորութեամբ խումբը հասաւ հարաւային գագաթ, ուր 10 տարի առաջ ան տեղադրեր էր հրամանատար Լէոնիդ Ազգալդեանի եւ ազատամարտիկ Մանուկ Սահակեանի յուշաքարերը։

Յիշեցնենք, որ անցեալ տարի այս յուշքարերը բարբարոսութեան ենթարկուեր էին։ Մանուկ Սահակեանի յուշաքարը վնասուեր էր, իսկ հրամանատար Լէոնիդ Ազգալդեանի վնասուած յուշաքարը ամբողջութեամբ վերափոխուեր է խումբ մը երիտասարդներու կողմէ, որոնց նպատակն էր պահպանել անոր յիշատակը:

Նախագահ Արմենակ Աբրահամեանը խոստացաւ, որ այդ յանցանքը իրականացնողները հանգիստ չեն ունենալու:

Իր հրամանատար Լէոնիդ Ազգալդեանի եւ իր մարտական եղբայր` Մանուկ Սահակեանի յուշաքարերը, Արմենակ Աբրահամեանը Կարին Աբրահամեանի հետ արդէն աւելի քան տասը տարի առաջ տեղադրեր էին Արագածի գագաթին։ Այդ ժամանակէն ի վեր Արագածի գագաթին տեղ գտեր են շարք մը այլ յուշաքարեր՝ ի յիշատակ մարտի դաշտին ինկած այլ ազատամարտիկներու։

Input your search keywords and press Enter.