Ջաւախքի Մադաթափա լիճին մէջ կը կառուցուի արհեստական կղզի մը

Մադաթափա լիճի թռչուններուն թուաքանակը մեծցնելու նպատակով կը նախատեսուի կառուցել արհեստական լիճ մը եւ անցախուց մը (շլիւզ), որպէսզի բարձրացուի ջուրի մակարդակը։ 

Ջաւախքի ազգային արգելոցի դիտարկումներուն համաձայն` հաւալուսները կը բնակին Ջաւախքի բազմաթիւ լիճերուն մէջ, ինչպիսիք են՝ Մադաթափա, Բուղդաշէն, Խանչալի լիճերը, սակայն անոնք կը բազմանան միայն Կարծախի Խոզապինի լիճին մէջ: 

Ինչպէս կը բացատրեն Ազգային արգելոցի աշխատակիցները, պատճառն այն է, որ այնտեղ կան կղզիներ, ուր բոյն կը դնեն հաւալուսները եւ այլ թռչուններ, սակայն այդ կղզիները կը գտնուին Թիւրքիոյ կողմէ բռնագրաւուած Արեւմտեան Հայաստանի տարածքին : Հաւալուսները բոյն կը դնեն կղզիներուն մէջ՝ այնտեղ իրենք զիրենք ապահով զգալնուն պատճառով:

Ջաւախքի լիճերուն մէջ ժամանակաւորապէս կամ մշտապէս կը բնակին 180 տեսակ թռչուններ, որոնցմէ են նաեւ հաւալուսները: Մադաթափա լիճին վրայ կայ միայն մէկ կղզի, ուստի որոշուեր է կառուցել եւս մէկը։ Բայց մինչ այդ անհրաժեշտ է բարձրացնել լիճի ջուրի մակարդակը: Այս պահին լիճի խորութիւնը 1,40 մ է, իսկ ափերու մօտակայքին 40 սմ է, ուստի որոշուեր է արվելոցներու օգնութեամբ բարձրացնել ջուրի մակարդակը առնուազն 30 սմ-ով:

Այս պահին երկու նախագիծերն ալ կը գտնուին նախագծման փուլի մէջ:

 

Input your search keywords and press Enter.