Ստեփանակերտի Ստեփան Շահումեանի անուան հանրապետական մարզադաշտին վրայ Օգոստոսի 6-ին տեղի ունեցեր է Համահայկական 7-րդ ամառային խաղերու բացման հանդիսաւոր արարողութիւնը, որուն մասնակցեր է նաեւ Արեւմտեան Հայաստանի մարզական կազմը:

«Արցախպրես»-ի թղթակիցի հաղորդմամբ` հանդիսաւոր արարողութեան մեկնարկին թատերական բեմադրութեամբ ներկայացուեր են հայոց պատմութեան ամենավառ էջերը` հեթանոսութենէն մինչեւ քրիստոնէութիւն, Հայկ նահապետէն մինչեւ Տիգրան Մեծ, Արցախեան ազատագրական պայքարէն մինչեւ Ապրիլեան պատերազմ եւ մեր օրերը:

Այնուհետեւ մեկնարկեր է պատուիրակութիւններու շքերթը, որուն կազմին էին 35 երկիրներու 161 քաղաքներու աւելի քան 5244 մարզիկներ:

Յաջորդիւ Պաշտպանութեան Բանակի պատուոյ շքախումբին ուղեկցութեամբ մարզադաշտ բերուեր են Արցախի եւ Հայաստանի Հանրապետութիւններու պետական դրօշակները:

Հանդիսաւոր արարողութեամբ վառուեր է խաղերու ջահը: Յիշեցնենք որ Արեւմտեան Հայաստանի պետական հեռուստաընկերութիւնը պիտի լուսաբանէ խաղերուն ընթացքը: Մնացեք մեզի հետ:

Input your search keywords and press Enter.