Թիւրքիան կը շարունակէ իր նախայարձակ քաղաքականութիւնը հարեւաններուն նկատմամբ

Յունաստանի Գլխաւոր շտաբը յայտարարեր է, որ Թիւրքիային պատկանող ռազմական ինքնաթիռները 53 անգամ խախտեր են յունական օդային սահմանը:

Գլխաւոր շտաբի յայտարարութեան մէջ կը նշուի.

«Օգոստոսի 5-ին թրքական 12 ինքնաթիռ, որոնցմէ 10-ն F-16, իսկ 2-ն CN-235 տեսակի ռազմական բեռնափոխադրող, Եգեական ծովի հիւսիսարեւելեան, կեդրոնական եւ հարաւարեւելեան ուղղութեամբ 53 անգամ խախտեր են Յունաստանի ազգային օդային սահմանը: Ասկէ զատ, երկու դէպքերուն ալ յունական եւ թրքական ինքնաթիռներուն միջեւ օդային թուացեալ պատերազմ տեղի ունեցեր է»:

Կատարուածին անդրադարձեր է նաեւ ռուսական «Sputnik» լրատուական գործակալութիւնը:

«Sputnik»-ի փոխանցմամբ` Թիւրքիային պատկանող օդանաւները Աթենքի թռիչքային տեղեկատուական գօտիին վրայ խախտեր են օդային սահմանը եւ 6 օդանաւով զէնք տեղափոխեր են: 

Input your search keywords and press Enter.