Կանադահայ, «Ագդել Արմենեան» հիմնադրամի նախագահ Վան Արմենեանի նախաձեռնութեամբ Օգոստոսի 4-էն Վանաձորի մէջ կը սկսի գործել «Զարթօնք» ամառային միջազգային երաժշտական ակադեմիան, ուր մինչեւ Օգոստոսի 18-ն կը հիւրընկալուին երեք տասնեակ տաղանդաշատ պատանի երաժիշտներ՝ ամառային հանգիստը զուգակցելու համար վարպետութեան դասերու եւ համերգներու հետ: Ակադեմիայի նախագահն է Մոնրէալի սիմֆոնիկ նուագախումբի երաժիշտ, ջութակահար Վան Արմենեանը, գեղարուեստական ղեկավարը՝ երիտասարդ, բայց արդէն ճանչցուած դաշնակահարուհի, միջազգային բազմաթիւ մրցոյթներու դափնեկիր Նարէ Արղամանեանը:

Միջազգային երաժշտական ակադեմիայի նպատակը պատանի երաժիշտներուն աջակցիլն է, ա՛լ աւելի զարգացնելու համար անոնց տաղանդը: Ընտրուած են երաժշտական տարբեր ուղղութիւններ՝ դաշնամուր, վոկալ, ֆլէյտա, սենեկային եւ ժողովրդական երաժշտութիւն։

Երեխաներու ընտրութիւնը կատարուեր է մրցոյթով։

Input your search keywords and press Enter.