Կիպրոսի ափերուն մօտ «Յաւուզ» նաւը սկսեր է հորատման աշխատանքները

Թրքական «Յաւուզ» նաւն սկսեր է հորատման աշխատանքներ իրականացնել Միջերկրական ծովի արեւելեան շրջաններուն:

Ասոր մասին կը յայտնէ թրքական «Հաբերլեր» լրատուամիջոցը:

«Յաւուզ»-ը թրքական երկրորդ նաւն է, որ հորատման աշխատանքներ կ՛իրականացնէ Միջերկրականի արեւելքին:

Թիւրքիոյ կողմէ Կիպրոսի Հանրապետութեան բացառիկ տնտեսական գօտիին մէջ հորատման աշխատանքներն սկսեր էին դեռ աւելի վաղ: Միջազգային իրաւունքի նորմերուն հակասող հորատման աշխատանքները շարունակելու հետ կապուած՝ ԵՄ-ն Յուլիսի 15-ին հրապարակեր էր Թիւրքիոյ դէմ իրականացուելիք պատժամիջոցները: Սակայն Թիւրքիան պաշտօնապէս յայտարարեր էր, որ պիտի չդադարեցնէ հորատման աշխատանքները:

Input your search keywords and press Enter.