Բաթումի մէջ բացուեր է ճարտարապետ Բոգդան Կիրակոսեանին նուիրուած յուշատախտակ

Բաթումի կեդրոնին՝ Ռուսթաւելլի փողոցին վրայ գտնուող տան պատին բացուեր է յուշատախտակ՝ նուիրուած բաթումահայ հանրայայտ ճարտարապետ, Աջարիոյ Ինքնավար Հանրապետութեան վաստակաւոր ճարտարապետ Բոգդան Կիրակոսեանին:

Ինչպէս «Արմենպրես»-ին տեղեկացուցին ՀՀ արտաքին գործոց նախարարութեան լրատւութեան եւ հանրային դիւանագիտութեան վարչութենէն, յուշատախտակի պատրաստումն ու տեղադրումն իրագործուեր է ճարտարապետի ժառանգներուն ջանքերով եւ Բաթումի քաղաքապետարանի, Աջարիոյ ճարտարապետներու միութեան, հայկական համայնքային կառոյցներու աջակցութեան շնորհիւ:

Բոգդան Կիրակոսեանը (1912-1972թթ.) խորունկ հետք թողած է Բաթումի մէջ՝ հեղինակելով շարք մը բարձր նշանակութիւն ունեցող ճարտարապետական շինութիւններ, որոնց մէջ՝ քաղաքի խորհրդանիշն հանդիսացող սիւնաշարը:

Input your search keywords and press Enter.