Բնիկ ժողովուրդներու իրաւասու մարմնի (GIPCA) յայտարարութիւնը

ԱՐԵՒՄՏԵԱՆ ՀԱՅԱՍՏԱՆ — GLOBAL բնիկ ժողովուրդներու իրաւասու մարմինը (GIPCA) կ՛ողջունէ բնիկ ժողովուրդները՝ Աթաբերիայի (Մայր երկիրի) հինգ աշխարհագրական շրջաններուն, Աշխարհի բնիկ ժողովուրդներու միջազգային օրուան կապակցութեամբ:

GLOBAL բնիկ  ժողովուրդներու իրաւասու մարմինը (GIPCA) միջազգային վարչական մարմին է, որ բնիկ ժողովուրդներուն` որպէս Ինքնիշխան պետութիւններ եւ/կամ ազգեր, կուտայ միջազգային կառավարում եւ ղեկավարութիւն՝ իրենց ինքնորոշման իրաւունքը իրացնելու եւ  անկախութեամբ իրենց տարածքները վերահսկելու համար:

Հաշուի առնելով, որ բնիկ ժողովուրդներն իրաւունք ունին պահպանելու եւ ամրապնդելու կապն իրենց հողերուն, տարածքներուն, ջրային տարածքներուն, օդային տարածութեան եւ բոլոր այլ բնապաշարներուն հետ, հետեւաբար նաեւ փոխանցելու իրենց պարտականութիւնները ապագայ սերունդներուն։ GLOBAL բնիկ  ժողովուրդներու իրաւասու մարմինը (GIPCA) կը նշէ, որ բնիկ ժողովուրդներն իրաւունք ունին պահպանելու եւ զարգացնելու իրենց կապերը, յարաբերութիւններն ու համագործակցութիւնը՝ ներառեալ քաղաքական նպատակներով գործողութիւններ կատարելու իրենց անդամներուն, ինչպէս նաեւ այլ ժողովուրդներուն հետ։

GIPCA- ն նաեւ կ՛ընդունի, որ բնիկ ժողովուրդներն իրաւունք ունին  որոշում կայացնելու այնպիսի հարցերու մէջ, որոնք կրնան ազդել իրենց իրաւունքներուն վրայ՝ իրենց կողմէ ընտրուած ներկայացուցիչներու միջոցով, եւ իրենց ընթացակարգերուն համապատասխան։

Հաշուի առնելով, որ բնիկ ժողովուրդներն իրաւունք ունին խթանելու, զարգացնելու եւ պահպանելու իրենց հիմնարար կառուցուածքներն ու իրենց սովորոյթները, աւանդոյթները, ընթացակարգերն ու իրաւաբանական համակարգը. (UNDRIP Հոդ․ 34 եւ ADRIP Հոդ․ XXII.1); GIPCA-ն իր անդամակիցներուն եւ շարք մը բնիկ ժողովուրդներու միջազգային կազմակերպութիւններուն աջակցութեամբ որոշեր է երկարաձգել իր լիազօրութիւնը Աբիա Յալայի, Ափրիկէի, Ասիոյ, Եւրոպայի եւ Խաղաղ ովկիանոսի բնիկ ժողովուրդներու վերականգնողական գործով` անոնց անքակտելի, հաւաքական, բարոյեական, պատմական, բացարձակ եւ ինքնիշխան իրաւունքը* (ICAMHAS Rights) իրենց հողերուն, տարածքներուն, ջրային տարածքներուն, օդային տարածութեան եւ մնացած բոլոր բնապաշարներուն նկատմամբ:

Հաշուի առնելով վերը նշուածը, GIPCA-ն կը յայտարարէ Բնիկ ժողովուրդներու պետութիւններու եւ ժողովուրդներու մշտական ընկերակցութեան ստեղծման մասին (AIPSN։ Բնիկ ժողովուրդներու պետութիւններու եւ ազգերու ընկերակցութեան (AIPSN) կանոնաւոր նստաշրջանները պիտի գումարուին վերը նշուած հինգ աշխարհագրական շրջաններուն մէջ:

Այն բնիկ ժողովուրդները որոնք դեռ GIPCA-ի անդամ չեն, կրնան անմիջապէս դիմել  Բնիկ ժողովուրդներու պետութիւններու եւ ազգերու ընկերակցութեան անդամակցելու համար:  Բնիկ ժողովուրդներու կազմակերպութիւնները (IPO) դիտորդի կարգավիճակի համար կրնան դիմել Բնիկ ժողովուրդներու պետութիւններու եւ ազգերու ընկերակցութեան։

Բնիկ ժողովուրդներու պետութիւններու եւ ժողովուրդներու մշտական ընկերակցութեան եւ անոր գործունէութեան վերաբերեալ տեղեկատւութիւնը կը հրապարակուի GLOBAL Բնիկ ժողովուրդներու իրաւասու մարմինի ֆէյսբուքեան էջին:

Input your search keywords and press Enter.