Համահայկական խաղերու համաշխարհային կոմիտէի վեհաժողովը՝ Ստեփանակերտի մէջ

Ստեփանակերտի մէջ տեղի ունեցեր է Համահայկական խաղերու համաշխարհային կոմիտէի վեհաժողովը:

Օրակարգին եղած են հինգ հիմնական հարցեր. Համահայկական ամառային 7-րդ խաղերուն ընթացքը, կոմիտէի կազմի ընտրութիւնները, Համահայկական ձմեռային 2-րդ խաղերու կազմակերպումը, կանոնադրական փոփոխութիւններ եւ կազմակերպչական հարցեր: Միաձայն Համահայկական խաղերու համաշխարհային կոմիտէի նախագահ վերընտրուեր է Իշխան Զաքարեանը: Որպէս փոխնախագահ կը շարունակեն պաշտօնավարել Ալբերտ Բոյաջեանը ԱՄՆ-էն, Ստեփան Տէր-Պետրոսեանը՝ Լիբանանէն եւ Ռոլանդ Շառոյեանը՝ ՀՀ-էն։

Համահայկական խաղերու համաշխարհային կոմիտէի գործող կազմը համալրուեր է երեք հոգիով. նոր անդամներն են՝ ՀՖՖ նախագահ Արթուր Վանեցեանը, Զուիցերիահայ բարերար Վարդան Սրմաքէշը, Ամերիկահայ Շահան Սեմերջեանը:

Քննարկումներու ընթացքին անդրադարձ եղած է նաեւ կազմակերպչական այլ հարցերու:

 

Input your search keywords and press Enter.