Սեւրի խաղախութեան դաշնագիրի 99 ամեակի

եւ

Վերջերս Թիւրքիոյ՝ 

Սուրիոյ հիւսիսային տարածքներէն ներս ռազմական գործողութիւններ կատարելու

ցանկութեան մասին յայտարարութիւններուն առիթներով

 

    Վերջին շրջանին Սուրիոյ հիւսիսային տարածքներէն ներս «ապահով մարզ» մը ստեղծելու պատրուակով, զինեալ ներխուժում կատարելու ծաւալապաշտական իր ցանկութիւններուն մասին հրապարակած Թիւրքիոյ յայտարարութիւնները՝ անգամ մը եւ կուգան հաստատելու թէ Արեւմտեան Հայաստանի Կառավարութիւնը ճիշտ դիտարկած էր Թիւրքիոյ կողմէ Աֆրինի գրաւումը 18 Մարտ 2018-ին. Ըսելով որ, “Թուրքիան շատ լաւ գիտէ, որ թէ իր եւ թէ իր հովանաւորած ահաբեկչական ուժերու ռազմական որեւէ նահանջը՝ անպայմանօրէն չէ որ պիտի կանգ առնէ Թրքական — Սուրիական սահմաններու գիծին վրայ, այլ այդ նահանջը պիտի շարունակուի ու ինք պիտի գլտորուի մինչեւ Կիլիկիայէն անդին, եւ պիտի հասնի նոյնիսկ մինչեւ Վուդրօ Ուիլսոնի իրաւարար վճիռի սահմաններուն”:

   Այդ ժամանակ Թիւրքիան կը ցանկանար Աֆրինի գրաւումը կատարել նոյն ամսու 3-ին, այսինքն Բրեստ Լիթովսկի դաշնագիրի հարիւրամեակին օրը, բայց մարզային եւ քաղաքական շարք մը պատճառներով ան յետաձգուեցաւ 15 օրով:

    Այսօր շատ մեծ հաւանականութիւն կայ, որ ան իր ծրագրած ծաւալապաշտական զինեալ գործողութիւնները  դէպի Սուրիոյ հիւսիսային տարածքները սկսի  10  Օգոստոս  2019-ին՝  Թիւրքիոյ համար ամենամտահոգիչ Սեւրի խաղաղութեան դաշնագիրի 99-րորդ տարեդարձին օրը:

 Սուրիոյ հիւսիսային շրջանին մէջ Քրդական ինչ որ ինքնիշխան մարզի մը ստեղծման առեղծուածը չէ որ կը մտահոգէ  Թիւրքիային,  այլ արհեստական  Թիւրքիոյ  ներկայ  սահմաններէն  ներս նման մարզի մը ստեղծումը, որ կրնայ իրականանալ միայն Սեւրի դաշնագիրի իրագործումով, հետեւաբար՝ Արեւմտեան Հայաստանի վերականգնումով:

   Այն ինչ որ կը փորձեն թիւրքերը այսօր իրականացնել, լոկ փախուստի անյոյս քայլ մըն է ..․ դէպի առջեւ:

  Սուրիոյ հիւսիսը երբէք նման չէ Իրաքի հիւսիսին: Սուրիոյ հիւսիսային տարածքներուն վրայ քրդական մարզի մասին ոչ մէկ միջազգային իրաւական հիմք գոյութիւն ունի, մինչ Իրաքի հիւսիսին մէջ քրդական նման մարզի մասին քննարկումներ եւ նշումներ կատարուած են Սեւրի դաշնագիրի մշակման ընթացքին:

  Երբ Սուրիոյ հանգուցեալ նախագահ՝ Հաֆէզ Էլ Ասատին հարց տուին թէ ինչ կեցուածք ունի քրդական ինքնիշխան մարզի մը նկատմամբ, ան անմիջապէս իր համաձայնութիւնը յայտնեց,պայ- ման դնելով ու ան իրականացուի ըստ Սեւրի դաշնագիրին:

 Այսօր, Սեւրի դաշնագիրի 99-րորդ տարեդարձի նախօրէին՝ Արեւմտեան Հայաստանի Կառավարութիւնը կոչ կ՛ընէ ամբողջ միջազգային ընտանիքին, առանց յաւելեալ ժամանակ կորսնցնելու եւ յաւելեալ մարդկային աղետներու եւ զոհերու տեղի տալու՝ որոշում կայացնել ամբողջութեամբ իրագործելու Սեւրի դաշնագիրի բոլոր յօդուածները, մանաւանդ այն ինչ որ կը վերաբերի Արեւմտեան Հայաստանին՝ Վուդրօ Ուիլսոնի վճռած սահմաններով, յաւելեալ Կիլիկիոյ, զոր ազատագրած էր Արեւելեան Լեգիոնն իր Հայ եւ Սուրիացի մարտիկներու արիւնով 25 Նոյեմբեր 1918-ին:

    Սեւրի դաշնագիրի եւ Կիլիկիոյ  անկախութեան  իրականութիւններու  տրամաբանութենէն դուրս՝  որեւէ այլ  լուծում հնարելու փորձը կը նշանակէ Թիւրքիոյ նման պետութեան մը յաւելեալ հնարաւորութիւններ տրամադրել, որ  ան  շարունակէ  Միջին  Արեւելքէն  ներս պահպանել  անկայունութիւնն ու  ռազմական  լարուածութիւնը,  տարածաշրջանի  բնիկ  ժողովուրդներու իրաւունքներու ոտնահարման գնով, բան մը, որ անպայմանօրէն պիտի իր ժխտական անդրադարձը ունենայ միջազգային յարաբերութիւններու լարուածութեան եւ միջազգային օրէնքի խախտումի հարատեւման վրայ:

 

           Արեւմտեան Հայաստանի Հանրապետութեան Վարչապետ

                                                                                                                                                         ԳԱՌՆԻԿ ՍԱՐԳԻՍԵԱՆ

 

Երեւան, 10 Օգոստոս 2019

 

Input your search keywords and press Enter.