Փաշինեանն ԻԻՀ նախագահին եւ Սինգապուրի վարչապետին հրաւիրեր է ԵԱՏՄ-ի բարձրագոյն խորհուրդի նիստին

ՀՀ վարչապետ Նիկոլ Փաշինեանն Իրանի Իսլամական Հանրապետութեան նախագահ Հասան Ռոհանիին եւ Սինգապուրի վարչապետ Լի Սիէն Լունին հրաւիրեր է Երեւան` մասնակցելու Հոկտեմբերին կայանալիք ԵԱՏՄ-ի բարձրագոյն խորհուրդի նիստին:

Ասոր մասին Օգոստոսի 9-ին վարչապետը յայտներ է Ղրղզստանի մէջ կայացած Եւրասիական միջկառավարական խորհուրդի հերթական նիստին ընթացքին: Ըստ վարչապետին՝ աւելի վաղ Վիետնամի Սոցիալիստական Հանրապետութեան եւ Սինգապուրի Հանրապետութեան հետ  քննարկուեր են առեւտրատնտեսական համագործակցութեան ընդլայնման հնարաւորութիւնները, մասնաւորապէս, ԵԱՏՄ-ի եւ Սինգապուրի միջեւ ազատ առեւտուրի մասին համաձայնագիր ստորագրելու հարցը: 

Ձեռք բերուեր է պայմանաւորուածութիւն առ այն, որ բանակցային գործընթացը ժամանակին աւարտելու եւ համաձայնագիրի նախագիծը համաձայնեցնելու պարագային Սինգապուրի վարչապետը պատրաստ է մասնակցելու Երեւանի մէջ կայանալիք Բարձրագոյն Եւրասիական տնտեսական խորհուրդի նիստին, որուն ընթացքին պիտի ստորագրուի այդ համաձայնագիրը: 

Վարչապետը յայտներ է նաեւ, որ Երուան հրաւիրեր է նաեւ Իրանի նախագահ Հասան Ռոհանիին:

Նիկոլ Փաշինեանը տեղեկացուցրեր է, որ Սեպտեմբերի 30-էն Հոկտեմբերի 1-ը Երեւանի մէջ՝ Բարձրագոյն Եւրասիական տնտեսական խորհուրդի նիստի շրջանակէն ներս, տեղի կ’ունենայ միջազգային համաժողով «Եւրասիական մայրցամաքի տարանցիկ ներուժը» նիւթով:

Input your search keywords and press Enter.