Վան քաղաքի ամրոցին մէջ կը շարունակուին պեղումները

Քաղաքապետ Բեդիա Օզգէօքչէ Էրթանը, ով մեկներ էր  Արեւմտեան Հայաստանի Վանի շրջան՝ Վանի ամրոցի հարեւանութեամբ կատարուած պեղումները ուսումնասիրելու համար, յայտներ է, որ պեղումներուն շնորհիւ Վանի թագաւորութեան պատմութեան վրայ լոյս կը սփռուի։

Պեղումները կը շարունակուին 2010 թոիականէն՝ պատմական  Վան քաղաքին, ամրոցին եւ Վանի բլուրուն մէջ: Յոյս կայ, որ պեղումները լոյս պիտի սփռեն Վանի Թագաւորութեան պատմութեան վրայ:

Էրթանը խնամքով ուսումնասիրեր է պեղումներու տարածքէն յայտնաբերուած պատմական յուշարձանները եւ մասնակիցներուն ըսեր է․ «Դուք կ’իրականացնէք շատ կարեւոր եւ արժէքաւոր աշխատանք եւ ի յայտ կը բերէք ողջ պատմութիւն մը: Շնորհակալութիւն՝ նման աշխատանք կատարելնուդ համար»:

Կատարուած աշխատանքներուն շնորհիւ ի յայտ եկեր են մեծ թիւով ուրարտական ժամանակաշրջանի գտածոներ։

Input your search keywords and press Enter.