Արցախի մէջ ծաւալուող հնագիտական աշխատանքներուն ներգրաւուած են նաեւ բարերարներ

Արցախի Հանրապետութեան մէջ հնագիտական պեղումներու աշխարհագրութիւնն օրեցօր կ՛ընդլայնուի, եւ այսօր միաժամանակ քանի մը վայրերու մէջ կ՛իրականացուին պեղման աշխատանքներ:

Ասոր մասին «Արցախպրես»-ի թղթակիցին հետ զրոյցին ըսեր է Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարար Լեռնիկ Յովհաննիսեանը: Անոր խօսքով՝ մեծ հետաքրքրութիւն կը ցուցաբերեն յատկապէս բարերարները:

«Հովանաւորչական միջոցներով ներկայիս հնագիտական պեղումներ կ՛ընթանան Մարտունիի շրջանի Սօս գիւղին մէջ, ուր յայտնաբերուեր են վաղ միջնադարեան նմուշներ: Նմանապէս պեղումներ կ՛ընթանան Բերդաշէնի ամրոցի ստորոտին: Ասոնք կ՛իրականացուին Արցախի հնագիտական արշաւախումբին կողմէ եւ մասնակիօրէն կը ֆինանսաւորուին Արցախի Հանրապետութեան պետական բիւտջէէն ու «Բերդաշէն» հիմնադրամին կողմէ», — մանրամասներ է Լ. Յովհաննիսեանը:

Պեղումներու աշխատանքները կ՛ընթանան նաեւ Քարինտակի քարանձաւի, Տիգրանակերտի եւ Միրիկի մէջ:

Այս տարի յայտ ներկայացուեր է, որպէսզի պեղուի Հադրութի շրջանի Մեծ թաղեր գիւղի յայտնի Շմանէք քարայրը, որ նոյնպէս մարդկային կացարան եղած է:

 

Input your search keywords and press Enter.