Սուրիական բանակը կը գրոհէ գրոհայիններուն դիրքերը Իդլիբի հարաւային շրջանին

Սուրիական բանակը կը շարունակէ յառաջանալ Իդլիբի հարաւ-արեւմտեան հատուածէն ներս՝ ետ մղելով գրոհայիններու խոշոր գրոհը նահանգի հարաւային միջանցքի տարածքին: Ասոր մասին կը յայտնէ Al-Masdar News լրատուական գործակալութիւնը:

Այժմ կառավարական ուժերը կը գտնուին Էլ Լատամնա գիւղէն երկու կմ հեռաւորութեան վրայ: Սուրիոյ հիւսիս-արեւմուտքին գտնուող այս տարածքը աւելի քան եօթ տարիէ ի վեր կը վերահսկուէր գրոհայիններուն կողմէ. կառավարական ուժերն այժմ սկսեր են անոր ազատագրումը:

Միեւնոյն ժամանակ կառավարական ուժերը գրոհել սկսեր են Իդլիբ նահանգի հարաւային միջանցքի տարածքին: Ներկայիս Սուրիական բանակը կը գրոհէ Թալ Թալի բլուրը, որպէսզի կարողանայ տիրել շրջանի գլխաւոր մարտավարական դիրքին:: Ըստ հաղորդումներու, Սուրիական ուժերուն յաջողեր է կտրել հակառակորդի մատակարարման գիծերը, ինչպէս նաեւ ոչնչացնել քանի մը հրթիռային կայաններ, զորոնք զինեալները կ՛օգտագործէին խաղաղ բնակավայրերը գնդակոծելու համար:

Input your search keywords and press Enter.