Պատմական գեղեցկութիւն, կարեւորութիւն, եւ հնագոյն մշակոյթ ունեցող Հայաստանը մեր օրերու համաշխարհային քարտէսին վրայ ռազմավարական դիրք կը զբաղեցնէ։

«Արմենպրես»-ի փոխանցմամբ՝ ասոր մասին կը գրէ բրիտանական յայտնի «Kensington, Chelsea & Westminster Today» ամսագիրը, որու Օգոստոսեան համարը լոյս տեսեր է հայոց թռչնատառ այբուբենի նկարը պատկերող շապիկով։ Ամսագիրը ստուարածաւալ յօդուածներ նուիրեր է Հայաստանին՝ անդրադառնալով մեր երկրի պատմութեան, հաւատքին, զբօսաշրջութեան ու մշակոյթին։

Անդրադառնալով հայոց պատմութեան` KCW Today-ը կը նշէ, որ Հայաստանն առաջինն էր, որ 301 թուականին ընդունեց քրիստոնէութիւնը որպէս պետական կրօն։ «Ունենալով նման հարուստ կրօնական եւ մշակութային պատմութիւն՝ պատահական չէ, որ ողջ աշխարհի հայերն այսօր ալ կը շարունակեն քրիստոնէական աւանդոյթները, եւ ամուր կը պահեն իրենց հաւատքը»,- կը նշէ ամսագիրը։

Հեղինակները յատուկ անդրադարձ կատարած են Հայերու դէմ իրագործուած ցեղասպանութեան՝ նշելով, որ հայերը Օսմանեան Կայսրութենէն ներս ծրագրաւորուած կերպով կոտորածի ենթարկուեցան իշխանութիւններուն կողմէ։ 

Input your search keywords and press Enter.