ՄՐՐՈ հայ ազգային արուեստի կեդրոնի նախաձեռնութեամբ՝ արդէն 6-րդ անգամ օգոստոսի 23-ին, ժամը 19։00-ին Գաֆէսճեան քանդակներու պարտէզի տարածքին (Կասկադ) կը կայանայ «Գութան» աւանդական երգի-պարի փառատօնը։

Փառատօնին կը մասնակցին ազգային երգ ու պար ներկայացնող լաւագոյն խումբերը՝ Ակունք, Սասնայ ծռեր, Վան, Մասունք, Տարօնցիներ, Մարաթուկ, Նուբար, Գորանի, Տնջրէ (Արցախ), Վերադարձ, Վարք Հայոց, Տաւրոս, Զարթօնք, Արդուին, Ոստան, Արեգ, Մարաթուկցիներ, Սեբաստացիներ, Բազմաբերդի Գորանի։

Փառատօնին հնարաւոր է տեսնել ամբողջ Հայաստանի տարբեր շրջաններն ու գաւառները (Կիլիկիան Հայաստանէն մինչեւ Արցախ) ներկայացնող աւանդական երգերն ու պարերը՝ իրենց բոլոր ճիւղերով:

Փառատօնի հիմնադիր, ՀՀ վաստակաւոր արտիստ Արսէն Գրիգորեանը փառատօնը կ՛իրականացնէ 2014 թուականէն ի վեր, ու այս կարճ ժամանակաշրջանին յաջողեր է փառատօնը դարձնելու սիրելի ու սպասելի:

««Գութան»-ի նպատակն է պահպանել եւ տարածել հայկական աւանդական երգերն ու պարերը, անոնք աւելի ճանաչելի դարձնելու երիտասարդ սերունդին», — կ՛ըսէ Արսէն Գրիգորեանը:

Input your search keywords and press Enter.