Անկարան եւ Ուաշինգտոնը գործարկեր են «անվտանգութեան գօտիի» ստեղծման առաջին փուլը

WESTERN ARMENIA — Թիւրքիոյ եւ ԱՄՆ-ի պաշտպանութեան նախարարները հեռախօսազրոյց մը ունեցեր են եւ պայմանաւորուեր են գործարկելու Սուրիոյ մէջ «անվտանգութեան գօտիի» ստեղծման առաջին փուլը:

Հուլուսի Աքարը եւ Մարկ Էսպերը նաեւ պայմանաւորուեր են, որ երկու երկիրներու ռազմական պատուիրակութիւնները շուտով կը հանդիպին Անկարայի մէջ՝ քննարկելու համար այս «անվտանգութեան գօտիի» ստեղծման վերաբերեալ յաջորդ քայլերը», — կ’ըսուի Թիւրքիոյ պաշտպանութեան նախարարութեան յայտարարութեան մէջ:

Աքարը շեշտեր է, որ «անվտանգութեան գօտին» պէտք է ստեղծուի նախօրոք որոշուած ժամանակացոյցով, սահմանուած սկզբունքներու շրջանակներէն ներս, եւ առանց ժամանակ վատնելու։ 

Թիւրքիոյ նախագահի խօսնակ Իբրահիմ Քալինն ըսեր է, որ ըստ Ուաշինգտոնի հետ կնքուած այս համաձայնագիրին՝ շուտով թիւրք-ամերիկեան համատեղ ռազմական պարեկներն իրենց առաքելութիւնը կ’իրականացնեն Եփրատի արեւելքին գտնուող տարածքներուն վրայ:

Թիւրք-ամերիկեան այս համաձայնագիրին կնքումը Սուրիական բանակի եւ անոր դաշնակիցներուն կողմէ Իդլիբի եւ Համայի շրջաններէն նոր տարածքներու ազատագրման պահին’ կը վկայէ Անկարայի ձգտումին’ իր նախկին դիրքերուն վերադառնալու նպատակին մասին:

Սա կը նշանակէ, որ ան վախնալով կորսնցնելէ այս դիտակէտերը, որոնք առաջ իրեն թոյլ կուտային վերահսկելու տարածաշրջանը եւ օգնելու ահաբեկչական խմբաւորումներուն, Անկարան կ’աղաչէ Ուաշինգտոնին, կարեւորութիւն չտալով, որ կը խախտէ իր պարտաւորութիւնները Սոչիի եւ Աստանայի համաձայնագիրներու շրջանակներէն ներս:

Ծագումով Արեւմտեան Հայաստանէն հանդիսացող Ղամիշլիի և Հասաքէի հայ բնիկ բնակչները, որոնք կը  համարուին Ջէզիրէ եւ Դէր Զօր շրջաններուն ապրող ցեղասպանութիւնը վերապարածներու ժառանգները, պատերազմի սկիզբէն ի վեր մասնակցեր են տարածաշրջանի անվտանգութեան համար մղուող կռիւներուն ԴԱԷՇ- ի դէմ:

Ջէզիրէի եւ Դէյր Զօրի շրջանները կը համարուին Սրբազան Հայաստանի մասեր, ուր կոտորուեր են հարիւր հազարաւոր հայեր:

Ղամիշլիի եւ Հասաքէի բնիկ հայերը (Ջէզիրէ եւ Դէյր էզ-Զօր), Օգոստոսի 22-ի երեկոյեան պաշտօնապէս հիմներ են Ազգային խորհուրդ եւ յայտարարեր են,  որ իրենք դէմ են Սուրիոյ հիւսիսային շրջաններու բռնագրաւման Թրքական բանակին կողմէ:

Նորընտիր Ազգային խորհուրդը պաշտօնապէս կը դիմէ Միացեալ Նահանգներուն ՝ առանց ժամանակ վատնելու, ապահովելու  հայ բնիկ ժողովուրդի բոլոր իրաւունքները , ինչպէս նաեւ կիրառելու Վերսայլեան պայմանագիրի, Սեւրի պայմանագրի եւ Նախագահ Վուդրօ Ուիլսոնի իրաւարար վճիռը: :

Input your search keywords and press Enter.