Իրանի Արտաքին Գործոց նախարարը անսպասելիօրէն այցելեր է «Մեծ եօթնեակ»-ի գագաթնաժողով

Իրանի արտաքին գործոց նախարար Մոհամադ Ջաւադ Զարիֆը անակնկալ այց մը կատարեր է Ֆրանսայի հարաւային Բիարից քաղաք, ուր տեղի կ՛ունենայ «Մեծ եօթնեակ»-ի գագաթնաժողովը:

Իրանի արտգործնախարարութեան մամուլի խօսնակ Աբաս Մուսաուին Թուիթերին գրեր է, որ Զարիֆը Բիարից ժամաներ է, «շարունակելու բանակցութիւնները՝ կապուած Իրանի եւ Ֆրանսայի նախագահներուն միջեւ վերջերս ձեռնարկուած միջոցներուն հետ»:

Մամուլի խօսնակը նշեր է, որ ԱՄՆ-ի պատուիրակութեան հետ բանակցութիւններ չեն նախատեսուած:

Իր հերթին Թրամփն ըսեր է, որ «Մեծ եօթնեակ»-ի առաջնորդները քննարկեր են Իրանի հարցը եւ հանգեր են երկու ընդհանուր դիրքորոշման՝ «Մեծ եօթնեակ»-ի անդամներէն ոչ մէկը կը ցանկանայ, որ Իրանը ատոմային զէնք ունենայ եւ բոլոր անդամները խորապէս յանձնառու են տարածաշրջանին մէջ կայունութեան եւ խաղաղութեան հաստատման:

Input your search keywords and press Enter.