Սեբաստիոյ մէջ յայտնաբերուեր են տասնեակ հազարաւոր տարիներու ցորենի մնացորդներ

Արեւմտեան Հայաստանի Սեբաստիա նահանգի Դողանշար շրջանին հովիւի մը կողմէ յայտնաբերուած ցորենի հանածոն ենթադրաբար միլիոնաւոր տարիներու վաղեմութիւն ունի։ 

Գիւղացին, վերցնելով իր գտած ցորենի հատիկներով պատուած ժայռակտորը՝ զայն յանձներ է Պատմութեան ուսուցիչ, գիտաշխատող եւ գրող Ֆիքրի Քարամանին, ով երկար տարիներ կ՛ուսումնասիրէ նախապատմական շրջանի բրածոներ: Կարամանը պարզեր է, որ հետաքրքիր ժայռակտորը ցորենի բրածոյ է: Ան նշեր է, որ հանածոները կրնան միլիոնաւոր տարիներու ըլլալ, եւ ըսեր է. «Առաջին անգամ կը հանդիպիմ այսպիսի բրածոյի: այժմ իմ ձեռքին են տասնեակ հազարաւոր ցորենի, ոսպի եւ նմանատիպ հատիկաւորներու մնացորդներ: Չեմ գիտեր՝ հարիւր հազար տարեկան են, թէ միլիոն տարեկան, թող գիտնականները որոշեն»։

Գտնուած բրածոները կրնան փոխել Արեւմտեան Հայաստանի արդէն յայտնի պատմութիւնը: Ուսումնասիրութենէն յետոյ յայտնի կը դառնայ, թէ քանի տարի առաջ այստեղ մշակուեր են կամ վայրի ձեւով աճեր են այս բոյսերը: Աւելի վաղ յայտներ էինք, որ այս շրջանին յայտնաբերուեր են ծովային կենդանիներու գտածոներ։

 

Input your search keywords and press Enter.