Արցախի Հանրապետութեան 28-րդ տարեդարձին առիթով նախագահ Բակօ Սահակեանի հրամանագիրով դիւցազնական հրամանատարներ Լէոնիդ Ազգալդեանն ու Վլադիմիր Բալայեանը ետմահու արժանացեր են Արցախիի հերոս բարձրագոյն կոչման:

«Արմենպրես»-ի փոխանցմամբ՝ «Ֆէյսբուք»-ի իր էջին ասոր մասին գրառում կատարեր է Արցախի Հանրապետութեան անվտանգութեան խորհուրդի քարտուղար Արշաւիր Ղարամեանը:

««Ոսկէ արծիւ» շքանշաները յանձնուեցան անոնց հարազատներուն’ հանդիսաւոր պայմաներու մէջ»,- գրեր է Ղարամեանը:

 

Արեւմտեան Հայաստանի Նախագահ՝  Արմենակ Աբրահամեանը մեծ գոհունակութեամբ ողջունեց Նախագահ Բակօ Սահակեանի այս արդար կեցուածքը, ըսելով.

«Ես սրտանց կանգնեցայ մեր ընկերներու ընտանիքներուն կողքին, մեծ համբերատարութեամբ սպասելով, մեր քաջ մարտիկներու եւ հրամանատարներու՝ Լէոնիդի եւ Վլադիմիրի նկատմամբ արդարութեան այս պահին:

Ես իմ գոհունակութիւնը կը յայտնեմ, որովհետեւ Լէոնիդն ու Վլադիմիրը Արցախի եւ Արեւմտեան Հայաստանի զինուած դիմադրութեան իրական նիզակներն էին՝ ի դէմս թրքական բարբարոսութեան:

Կոչ կ՛ուղղեմ  բոլոր մարտիկներուն՝ զօրացնել մեր շարքերը, միանալով Ազատագրական բանակի մարտիկներու միութեան»։

Փառք Մեծ Հերոսներուն:

Արմենակ Աբրահամեան

Արեւմտեան Հայաստանի Հանրապետութեան Նախագահ

Input your search keywords and press Enter.