Գլաձորի համալսարանի 735-ամեակին նուիրուած միջոցառումներ կը կայանան

Սեպտեմբերի 6-ին Եղեգնաձորի մէջ պիտի կայանան Գլաձորի համալսարանի 735-ամեակին նուիրուած միջոցառումներ։ Մեկնարկը կը տրուի ժամը 15։00-ին Թանահատի վանական համալիրէն, ուր օրհնութեան կարգ կը կատարուի ու պատարագ կը մատուցուի։

Միջնադարեան հոգեւոր, կրթական ու գիտական կարեւորագոյն կեդրոնի՝ Գլաձորի համալսարանի 735-ամեակի միջոցառումներու շրջանակէն ներս, խաչքարագործ եւ կաւագործ վարպետներու աշխատանքներու ցուցադրութիւն տեղի կ՛ունենայ։ Կը կատարուին  նաեւ՝ վարպետաց դասեր։

Իրենց աշխատանքներով այցելուներուն կը ներկայանան նաեւ մանրանկարչութեան վարպետներն ու ծղօտագործները։ Միջոցառման կը մասնակցի «Տէրեան» մշակութային կեդրոնը, «Օրրան» բարեգործական կազմակերպութիւնն ալ՝ աշխատանքներու ցուցահանդէս-վաճառք կ՛իրականացնէ։ Վայոց Ձորի տարածաշրջանային պետական քոլէջի ուսանողները կը ներկայանան իրենց փայտի փորագրութեան աշխատանքներու ցուցադրութեամբ, գինիի, քաղցրաւենիքի համտեսով եւ վարպետութեան դասով։

Input your search keywords and press Enter.