Կոմիտաս լսելով` Եւրոպայի մէջ ոտքի կը կանգնին

«Հայաստանի Հանրապետութիւն» օրաթերթը կը գրէ, որ Կոմիտասի անուան ազգային քառեակն իր կազմաւորման 95-ամեակի եւ Կոմիտաս վարդապետի ծննդեան յոբելեանական 150-ամեակին առիթով Սեպտեմբերին Մոսկուայի մէջ հանդէս կուգայ համերգային մեծ նախագիծով: Ուսուցողական ծրագիրներու շրջանակներէն ներս՝ Սեպտեմբեր-Հոկտեմբեր ամիսներուն ելոյթներ կ՛ունենայ նաեւ Արցախի եւ Հայաստանի շարք մը մարզերուն մէջ:

Գիտե՞ք, շատ հետաքրքիր մօտեցում ունի օտարազգի հանդիսատեսը: Երբեմն անգամ կը զարմանամ, թէ ինչպէս կարելի է լեզուն չիմանալ, չհասկնալ, մի գուցէ մարդիկ կան, որ մեր պատմութիւնն անգամ ուսումնասիրած չըլլան, բայց երբ կը հնչէ «Գարունը»՝ ոտքի կը կանգնին: Բացատրել թէ այդ ինչ է՝ դժուար է: Որովհետեւ սա արուեստ ըսուածն է, որ պիտի զգան մարդիկ: Որքան ալ գրես կամ բացատրես՝ միեւնոյն է, անբացատրելի է: Մարդն արուեստը կա՛մ կը զգայ, կամ ալ չ՛զգար: Եւրոպացի հանդիսատեսը, որ կը թուայ թէ պիտի «պաղ» ըլլայ, հակառակը ապացուցեց: Զարմացած կ՛ըսեմ` Կոմիտասը պահանջուած է անոնց կողմէ»,-  ըսեր է Կոմիտասի անուան ազգային քառեակի տնօրէն Սամուէլ Մեսրոպեանը»:

Նիւթն ամբողջութեամբ կարդացէք թերթի այսօրուայ համարէն:

 

Input your search keywords and press Enter.