Հայաստանի Հանրապետութեան եւ Ատրպէյջանի արտգործնախարարները շուտով կը հանդիպին

Շուտով կը կայանայ Հայաստանի Հանրապետութեան արտաքին գործոց նախարար Զօհրապ Մնացականեանի եւ Ատրպէյջանի արտաքին գործոց նախարար Էլմար Մամեդեարովի հերթական հանդիպումը:

«Մեր կառավարութիւնը շատ յստակ արտայայտեր է լրջութիւնը մեր մտադրութիւններուն՝ աշխուժօրէն աշխատելու Լեռնային Ղարաբաղի հակամարտութեան խաղաղ կարգաւորման գործընթացին ուղղութեամբ, եւ այս տարուան ընթացքին արտգործանախարարներու եւ երկու երկիրներու ղեկավարներուն միջեւ հանդիպումներու թիւն արդէն ի ցոյց կը դնէ այդ լրջութիւնը: Մեր հանդիպումը նախանշուած է, տեղի  կ’ունենայ շուտով, մենք համաձայնութիւն ունինք միաժամանակ յայտարարելու հանդիպման մասին, ես, բնականաբար, չեմ ցանկանար խախտել զայն»,- նշեր է Մնացականեանը տեղի ունեցած մամուլի ասուլիսին ընթացքին։

 

Input your search keywords and press Enter.