Քանի դեռ Թեհրանը կը ստէ, Ուաշինգտոնը չի մեղմացներ հակաիրանական պատժամիջոցները. Ջոն Բոլթոն

Միացեալ Նահանգները չի մեղմացներ պատժամիջոցներն Իրանի հանդէպ այնքան ժամանակ, մինչեւ Թեհրանը չդադրի ստելէ եւ ահաբեկչութիւն տարածելէ:

«Անոնք, ովքեր կ’ըսէին, թէ Ջիբրալթարի իշխանութիւններուն կողմէ ազատ արձակուած  նաւթակիրը՝ Adrian Darya 1-ը, չ’երթար Սուրիա, այժմ կը հերքեն այդ: Թեհրանը կը կարծէ, թէ աւելի կարեւոր է Սուրիոյ նախագահ Բաշշար Ասադի արիւնարբու վարչակարգը ֆինանսաւորելը, քան սեփական ժողովուրդին մասին հոգ տանիլը: Իրանը չի ստանար պատժամիջոցներու մեղմացում, եթէ չի դադարիր ստելէ եւ ահաբեկչութիւն տարածելէ»,- գրեր է Բոլթոնը Twitter-ի իր էջին:

Ըստ Middle East Eye վեբ-կայքի՝ հինգշաբթի Adrian Darya 1 նաւթակիրը Սուրիական նաւահանգիստին մէջ նաւթը  բեռնաթափած է:

 

Input your search keywords and press Enter.