Արցախի ՏԻՄ ընտրութիւններու քուէարկութեան մասնակցեր է ընտրողներու 65,4 %-ը

ԱրցաԽի Հանրապետութեան կեդրոնական ընտրական յանձնաժողովին կողմէ արդէն ամփոփուեր են տարածքային ընտրական յանձնաժողովներէն ստացուած տեղեկութիւնները:

«Արցախպրես»-ի թղթակիցի   հաղորդմամբ՝ ասոր  մասին լրագրողներուն հետ իր   ճեպազրոյցին ժամանակ ըսեր է Արցախի Հանրապետութեան Կեդրոնական ընտրական յանձնաժողովի նախագահին փոխարինող Եղիշէ Արզումանեանը:

Ըստ արդիւնքներուն՝ Ստեփանակերտի մէջ յաղթեր է Դաւիթ Ալբերտի  Սարգսեանը:

Խօսելով   շրջկեդրոններէն ընտրուած  թեկնածուներուն մասին՝ Ե. Արզումանեանը  տեղեկացուցեր է, թէ Շուշիի մէջ ընտրուեր է գործող քաղաքապետ Արծուիկ  Սարգսեանը, Բերձորի մէջ՝ Նարեկ Ալեքսանեանը, Մարտունիի մէջ՝ Հայկ Կարոյի  Սարգսեանը, Ասկերանիի մէջ՝ համայնքի գործող ղեկավար Սամուէլ Մարտիի Աղաջանեանը, Հադրութի մէջ՝ Վահան Վահանի Սաւադեանը: Քարվաճառի քաղաքապետ ընտրուեր է Սերգէյ Արամի Չիլինգարեանը, իսկ Մարտակերտի մէջ՝  Միշա Գրիգորիի Գիւրջեանը:

Հանրապետութեան մէջ  կայացած ՏԻՄ ընտրութիւններու քուէարկութեան  մասնակցեր է ընտրողներու 65,4 տոկոսը, Ստեփանակերտի մէջ՝ 55,4 տոկոսը. այս  ցուցանիշը մօտ 11 տոկոսով բարձր է նախորդ ընտրութիւններու արդիւնքներուն համեմատ։

Input your search keywords and press Enter.