Այսօր առաւօտեան լրացաւ Իդլիբի շրջանին յայտարարուած ժամանակաւոր հրադադարը: Այդ կը նշանակէ, որ Սուրիական կառավարական ուժերը կը վերսկսին Իդլիբի եւ Համայի հիւսիսին իրենց գործողութիւնները: Ալ Մաստար լրատուականը կը յայտնէ, թէ Սուրիական կառավարական ուժերը համալրեր են իրենց շարքերը Ալ Գաբի շրջանին՝ պատրաստուելով յարձակման:

Սուրիական բանակի հրետանին հարուածներ հասցուցեր է Թահրիր Ալ Շամի ահաբեկչական խմբաւորման թաքստոցներուն Թէլ Մանաս եւ Դէյր ալ-Շարքի բնակավայրերուն մօտ:

Ռուսաստանի Դաշնութեան արտգործնախարարի տեղակալ Օլէգ Սիրոմոլոտովը յայտարարեր է, որ Սուրիական բանակը կը գրոհէ միայն ստուգուած եւ հաստատուած թիրախներուն վրայ՝ բացառելու համար խաղաղ բնակիչներու շարքերուն մէջ զոհերը: 

Ռուսաստանի Դաշնութեան արտգործնախարարի տեղակալին խօսքով՝ Իդլիբի գօտիին, բացի 30-35 հազար զինուած գրոհայիններէն, կայ մօտ 2,5 միլիոն Սուրիացի խաղաղ բնակիչ:

Input your search keywords and press Enter.