Ատոմային ներուժի միջազգային գործակալութեան տնօրէնի պաշտօնակատարը կը հանդիպի Իրանի պաշտօնեաներուն

ՄԱԿ-ի Ատոմային ներուժի միջազգային գործակալութեան տնօրէնի պաշտօնակատար Կորնէլ Ֆերուտանը հանդիպեր է Իրանի բարձրաստիճան պաշտօնեաներու հետ: Բանակցութիւններու նիւթը Իրանի կողմէ 2015 թուականի միջուկային համաձայնագիրով ստանձնած պարտաւորութիւններու չեղարկումն է:

Իրանը յայտներ է, որ այսուհետեւ պիտի շահագործէ ուրանի հարստացման նոր՝ աւելի հզօր եւ արդիական ցենտրիֆուգներ:

Կորնէլ Ֆերուտան արդէն հանդիպեր է Իրանի ատոմային ներուժի կազմակերպութեան տնօրէն Ալի Աքբար Սալէհին հետ, եւ բացի այդ, պիտի բանակցի Իրանի արտգործնախարար Մոհամադ Ջաւադ Զարիֆին հետ:

«Գործակալութեան ներկայացուցիչներն արդէն կը գտնուին Իրանի մէջ եւ յառաջիկային իրենց հանդիպումներու արդիւնքներուն մասին պիտի զեկուցեն Վիեննայի մէջ տեղակայուած գործակալութեան ղեկավարութեան»,- յայտարարեր է Ատոմային ներուժի միջազգային գործակալութեան խօսնակ Ֆրեդրիկ Դալը:

 

Input your search keywords and press Enter.