Արցախեան գինիի փառատօնը պիտի կայանայ հետաքրքիր նորարարութիւններով

Սեպտեմբերի 21-ին «Տողի Մելիքական ապարանք» պետական պատմամշակութային արգելոցին մէջ պիտի կայանայ Արցախեան գինիի 6-րդ փառատօնը։

Ասոր մասին կը տեղեկացնէ Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարարութիւնը:

Աղբիւրին հաղորդմամբ` փառատօնին պիտի մասնակցին 3 տասնեակէ աւելի գինեգործներ` որոնց շարքին Հայաստանէն, Արցախէն ու առաջին անգամ Աբխազիայէն։

Փառատօնի աշխատանքները պիտի սկսին առաւօտեան ժամը 10:00-ին, բացումը պիտի ազդարարուի ժամը 15:00-ին, որուն պիտի յաջորդէ հագեցած մշակութային ծրագիր՝ համերգ ու թատերական ներկայացում:

Միջոցառման ընթացքին ինչպէս միշտ՝ պիտի գործէ արուեստի գործերու եւ գիւղական բարիքներու տօնավաճառ:

 

Input your search keywords and press Enter.