Վանայ լիճի Ախթամար կղզիին մէջ գտնուող Սուրբ Խաչ հայկական եկեղեցիէն ներս  եօթերորդ անգամ ըլլալով տեղի ունեցաւ պատարագի ծիսակատարութիւն:

Թիւրքիոյ հայ պատրիարքարանի տեղապահ Սահակ եպիսկոպոս Մաշալեանին կողմէ կատարուող պատարագի ծիսակատարութեան մասնակցելու եկեր էին մեծ թիւով մարդիկ Հայաստանէն, Թիւրքիայէն եւ տարագիր հայեր՝ աշխարհի տարբեր երկիրներէն։ Ծիսակարգին կը մասնակցէին նաեւ Մուշէն ժամանած շուրջ 150 հայեր:

Ermeni Haber“ լրատուական գործակալութեան տուած իր հարցազրոյցին ժամանակ Տարօն -Մուշի հայերու մշակոյթի, համերաշխութեան ընկերային եւ զբօսաշրջութեան ընկերակցութեան նախագահ Հայրէտտին Արսլանն ըսաւ, որ եկած են այստեղ խաղող բաշխելու՝ իրենց նախնիներու հոգիի խաղաղութեան համար։

Իր խօսքով, Ընկերակցութեան Նախագահ Արսլանն աւեւցուց. «Մենք մեր նախնիներու 700 տարեկան խաղողը կը բերենք Սուրբ Խաչ եկեղեցի՝ այստեղ ամեն տարի կայացող արարողութեան առիթով: Այնպէս որ, սա նոր չէ: Մարդիկ (հայերը) կուգան ոչ միայն Մուշէն, այլեւ շրջակայ բոլոր նահանգներէն: 

Input your search keywords and press Enter.