Թիւրքիոյ կողմէ հովանաւորուող գրոհայինները կտտանքներու կ՛ենթարկեն Աֆրինի բնակիչներուն

Թրքական զօրքերն ու անոնց կողմէ վերահսկուող Սուրիոյ ազատ բանակի (SSA) զինեալները  կը շարունակեն առեւանգել եւ խոշտանգել Աֆրինի խաղաղ բնակիչներուն:

Ըստ ANF News-ի, վերջին դէպքը տեղի ունեցեր է Կուդէ գիւղին մէջ:

Տեղի երկու բնակիչ՝ ամուսիններ Ֆուադ եւ Հէյֆա Պեքիրները ապօրինի կերպով գերեվարուեր են: Անոնց յետագայ ճակատագիրին մասին տեղեկատւութիւնը դեռ կը ճշտուի: 

Սեպտեմբերի սկիզբէն ի վեր, առնուազն 37 մարդ գերեվարուեր է թիւրքերու եւ անոնց կողմէ հովանաւորուող ահաբեկիչներուն կողմէ: Վերջին երկու ամիսներուն ընթացքին, ընդհանուր առմամբ աւելի քան 500 քաղաքացի առեւանգուեր է Աֆիրնի շրջանէն եւ անոնցմէ շատերուն ճակատագիրը անյայտ է:

Ըստ Քրդական Ինքնապաշտպանական ուժերու (YPG) հետ կապուած աղբիւրներու՝ Անկարան այժմ կը  խստացնէ ճնշիչ գործողութիւնները տեղի բնակչութեան դէմ:

Ըստ Սուրիոյ մարդու իրաւունքներու ճշգրտման կեդրոնի (SOHR) տուեալներուն՝ վերջին օրերուն թրքական զինեալներու կտտանքներուն չդիմանալով մահացեր էր Աֆրինի հիւսիս-արեւմուտքին գտնուող Ռաջուի շրջանի Բիլլկոյ գիւղի բնակիչ Համադ Հանիֆ Հուսէյնը:

Input your search keywords and press Enter.